Şəhid Xudayar Yusifzadənin doğum günüdür

İyulun 15-i 44 günlük Vətən müharibəsi şəhidi Xudayar Yusifzadənin doğum günüdür.

Xudayar 1998-ci ildə Bərdə şəhərində dünyaya göz açıb. 2016-2018-ci illərdə müddətli həqiqi hərbi xidmətdə olub. 2020-ci ilin Tovuz döyüşləri zamanı general-mayor Polad Həşimovun şəhid olmasından sonra öz istəyi ilə Bərdə Rayon Hərbi Komissarlığına müraciət edib.

Xudayar Yusifzadə Vətən müharibəsi zamanı əvvəlcə Füzuli rayonunda sərhəd məntəqəsində xidmət edib, daha sonra isə Cəbrayılın və Zəngilanın azadlığı uğrunda gedən döyüşlərə qatılıb.

Oktyabrın 22-də Ağbənd istiqamətində gedən döyüşlərin birində şəhid olub. O, Bərdə şəhərindəki Şəhidlər Xiyabanında torpağa tapşırılıb. Ölümündən sonra “Vətən uğrunda”, “Azərbaycan Bayrağı” və “Zəngilanın azad olunmasına görə” medalları ilə təltif edilib.