Pleyeri seçin:
Şəkərdən tamamilə imtina etmək kifayətdir? | Alimlərdən maraqlı məlumatlar
Xəbərlərimizi Google-da izləyin
Yeniliklərdən dərhal xəbərdar olun
Şəkərdən imtina etsəniz də, yağlı və duzlu qidalar qaraciyərin iltihabına səbəb ola bilər.
Bu barədə “Daily Mail” qəzeti ABŞ-nin “Rush” Universitetinin alimlərinin araşdırmasına istinadən məlumat yayıb.
Qidalanma qaraciyərin sağlamlığının qorunmasında əsas rol oynayır. Şirin qidalar orqanın sağlamlığı üçün xüsusilə təhlükəlidir.
Tədqiqatçılar izah ediblər ki, şəkəri emal etmək üçün orqanizm qaraciyərdə və piy toxumasında yağların sintezini stimullaşdıran insulin istehsal edir. Onların artıqlığı qaraciyər yağlanması üçün risk faktorlarından biridir.
Tədqiqatçıların fikrincə, qanda şəkərin səviyyəsinə nəzarətlə yanaşı, pəhrizdə olan qidaların keyfiyyətinə də diqqət yetirmək vacibdir.
Məsələ burasındadır ki, şəkərdən tamamilə imtina etsəniz belə, bəzi qidalar qaraciyərin iltihabına səbəb ola bilər. Xüsusilə, böyük miqdarda duz, yağlı qidalar və “fast food” – hamburgerlər, qızardılmış ətlər, kolbasalardan problemlər yaranır.
Orqandakı yükü azaltmaq üçün mütəxəssislər pəhrizə göyərti və tərəvəz kimi antioksidantlarla zəngin olan iltihab əleyhinə qidaları daxil etməyi məsləhət görürlər. Quş əti, balıq və paxlalılar kimi yağsız zülalları istehlak etmək də vacibdir.
Kopyalandı
Seçilmişlər
