Sumqayıtda AMEA-nın elmi işçisi soyğunçuluğa məruz qalıb

Sumqayıtda qadına qarşı quldurluq edilib. Hadisə şəhərin 17-ci mikrorayonunda, 60 saylı binanın 4-cü girişində baş verib.

“Məhəllə boş idi. İçəri girdim, liftin düyməsini basanda kimsə yaxınlaşıb boynumdan vurdu, cüzdanımı da apardı”, - zərərçəkən Könül Həbibova deyib.

Faktla bağlı Sumqayıt Şəhər Polis İdarəsində araşdırmalara başlanılıb. Qeyd edək ki, K.Həbibova Azərbaycan Milli Elmlər Akademiyasında aparıcı elmi işçi vəzifəsində çalışır.