Süni mayalanma ilə doğulan üçəm və dördəmlərin sayı artıb

Azərbaycanda süni mayalanma ilə dünyaya gələn əkiz, üçəm və dördəmlərin sayı artıb.

Yalnız Azərbaycanda deyil, dünya ölkələri üzrə də əkiz doğulan uşaqların sayı ötən əsrə nisbətən 30 faiz artıb. Bu barədə İsveçin Karolinska İnstitutu məlumat yayıb.

Bəs bunun səbəbi nədir? Ginekoloq Yeganə Əliyeva mövzu ilə bağlı Baku TV-yə açıqlamasında bildirib ki, süni mayalanmanın 2, 3 və ya 4 yumurta hüceyrəsi vasitəsilə həyata keçirilməsi belə halların artmasına gətirib çıxarıb.

Xatırladaq ki, iyulun 19-da Respublika Perinatal Mərkəzində üçəm doğulub. Hamiləliyin 35-ci həftəsində qeysəriyyə əməliyyatı ilə dünyaya gələn körpələrin hər üçü oğlandır.