Pleyeri seçin:
“Super Muşşak” təyyarələri iş başında | MN-dən görüntülər
Gənc hərbi pilotlarla təlim-məşq uçuşları keçirilib. Bu barədə Müdafiə Naziriliyi məlumat yayıb.
Bildirilib ki, 2025-ci ilin hazırlıq planına uyğun olaraq, Hərbi Hava Qüvvələrinin aviasiya bölmələrində “Super Muşşak” təlim təyyarələri ilə məşq uçuşları yerinə yetirilib.
Sağlamlıq vəziyyəti yoxlanıldıqdan, təhlükəsizlik qaydaları ilə tanışlıqdan və aviasiya vasitələrinə nəzarət baxışı keçirdikdən sonra uçuş heyətləri təlim-məşq uçuşları üzrə tapşırıqların icrasına başlayıblar.
Plana uyğun olaraq, gənc pilotlar qalxma, enmə, müəyyən marşrutlar üzrə fərdi və aviasiya qrupları tərkibində uçuşların icra edilməsi, müxtəlif hündürlüklərdə pilotaj elementlərinin icrası və digər uçuş tapşırıqlarını uğurla yerinə yetiriblər.
Hərbi pilotlarımızın peşəkarlıq səviyyəsinin yüksəldilməsi və praktiki vərdişlərinin artırılması məqsədilə keçirilən təlim uçuşları zamanı qarşıya qoyulan məqsədlərə nail olunub.
Kopyalandı
#Azərbaycan Hərbi Hava Qüvvələri teqi istifadə olunub
Seçilmişlər
