Sürücülərin nəzərinə | Bu tarixdə Bakının bəzi ərazilərində diqqətli olun, çünki... - Baku TV

Bakının bəzi ərazilərində yol ötürücülərinin texniki vəziyyətinin qiymətləndirilməsi məqsədilə instrumental müayinələr aparılacaq.

Azərbaycan Avtomobil Yolları Dövlət Agentliyinin məlumatına görə, avqustun 27-dən etibarən Azadlıq və Ziya Bünyadov prospektlərinin kəsişməsində yerləşən “Karl Marks” yol ötürücüsündə nəqliyyat vasitələrinin hərəkəti qismən məhdudlaşdırılacaq.

Avqustun 27-dən 28-nə keçən gecə isə Bakıxanov küçəsində yerləşən “Bakıxanov”, Ceyhun Səlimov küçəsində yerləşən “Papanin” və Pirşağı dəmir yolu ərazisindəki “Pirşağı” yol ötürücülərində nəqliyyat vasitələrinin hərəkəti tam məhdudlaşdırılacaq.

Müayinələrin əsas məqsədi yol ötürücülərinin texniki göstəricilərini və yükgötürmə qabiliyyətini qiymətləndirmək, həmçinin görünən və görünməyən deformasiyaları dəqiq müəyyənləşdirməkdir.