Pleyeri seçin:
Tanınmış aktyor Almaniyada dünyasını dəyişdi
Xalq artisti, Dövlət Mükafatı laureatı Hacı Murad Yagizarov vəfat edib.
Bu barədə onun yaxınları sosial şəbəkələrdə məlumat yayıblar.
Bildirilib ki, Murad Yagizarov uzunsürən xəstəlikdən sonra sentyabrın 13-də Almaniyada dünyasını dəyişib.
Qeyd edək ki, Hacı Murad Hacı Əhməd oğlu Yagizarov 18 iyul 1939-cu ildə Bakıda anadan olub. O, Azərbaycan Dövlət İncəsənət İnstitutunun aktyorluq fakültəsində Məhərrəm Haşımovun kursunda təhsil alıb.
1962-ci ildən Səməd Vurğun adına Azərbaycan Dövlət Rus Dram Teatrında işləyib. Onlarla Azərbaycan filmində müxtəlif baş və ikincidərəcəli obrazları canlandırıb. “Arşın mal alan”, “Ulduz”, “Uzaq sahillərdə”, “Ögey ana”, “Bir cənub şəhərində” və s. filmlərdə unudulmaz obrazlar yaradıb.
“Azərbaycan SSR Əməkdar artisti”, “Azərbaycan SSR Xalq artisti” fəxri adlarına layiq görülüb. Prezident İlham Əliyevin müvafiq sərəncamlarına əsasən, “Şöhrət” və “Şərəf” ordenləri ilə təltif edilib.
Kopyalandı
#Hacı Murad Yagizarov teqi istifadə olunub
Seçilmişlər
