Təlimlərin məqsədi nədir? | Müdafiə Nazirliyi məlumat yaydı 

Cari ilin hazırlıq planına əsasən, Hərbi Dəniz Qüvvələrində “Gəminin sualtı təxribat əleyhinə müdafiəsinin təşkili” və “Gəminin dayanacaqda davamlılıq uğrunda mübarizəsinin təşkili” mövzularında təlimlər keçirilib.

Təlimlərin məqsədi şəxsi heyətə gəminin sualtı diversiya əleyhinə müdafiəsinin düzgün təşkili yollarını öyrətmək, eləcə də gəminin dayanacaqda baş verə biləcək fövqəladə hallar zamanı davamlılıq uğrunda mübarizəyə hazırlıq səviyyəsini yoxlamaq olub.

Həmçinin gəminin dayanacaqda yanğına qarşı hazırlıq vəziyyəti, yaralılara ilkin tibbi yardımın göstərilməsi və onların ərazidən təxliyə olunması qaydaları praktiki olaraq məşq etdirilib.

Qəza partiyasının davamlılıq uğrunda mübarizə fəaliyyəti, eləcə də gəmidə baş verə biləcək yanğınların növünə və yerinə uyğun tətbiq ediləcək mübarizə üsulları yerində göstərilərək yoxlanılıb.

Keçirilən təlimlər müvəffəqiyyətlə başa çatıb. Şəxsi heyətin peşəkarlığı və hazırlıq səviyyəsi yüksək qiymətləndirilib.