Tez-tez xəstələnməmək üçün nə etməliyik? | Bunları yesəniz...

Vitaminlərin və antioksidantların müntəzəm qəbulu kəskin respirator virus infeksiyaları xəstəliklərinin tezliyini azaltmağa və orqanizmin bərpasını sürətləndirməyə kömək edir.

Həkimlər soyuqdəymə dövründə sitrus meyvələrinin – portağal, limon, mandarin, kivi və qreypfrutun qida rasionuna daxil edilməsini tövsiyə ediblər.

Bu meyvələr C vitamini, antioksidant və liflər ilə zəngin olduğuna görə bağırsaq mikrobiomasının sağlamlığını və immuniteti dəstəkləyir, kollagen sintezini stimullaşdırır. Bu da toxumaların sağalmasını sürətləndirir və selikli qişaları möhkəmləndirərək infeksiyalara qarşı güclü sədd yaradır. Nar isə öz növbəsində güclü iltihab əleyhinə xüsusiyyətlərə malikdir. Qan dövranını yaxşılaşdırır və infeksiyaların yayılmasına mane olan, antivirus təsiri göstərən polifenol tərkiblidir.

Banan, alma və xurma da faydalıdır. Onların tərkibindəki yod və maqnezium damarları möhkəmləndirir və güclü iltihab əleyhinə effektiv təsirə malikdir.

Mürəbbə şəklində belə faydasını saxlayan moruq və qara qarağat kimi giləmeyvələr də vacib əlavələrdir.