Toyuğun istehsalında bunları etmək qadağan imiş… | Ekspertdən məsələ ilə bağlı mühüm açıqlama

Son günlər sosial mediada geniş yayılan “toyuq kişiləri qadınlaşdırır” iddialarına mütəxəssislər qəti cavab veriblər.

Urologiya, endokrinologiya və qida təhlükəsizliyi üzrə mütəxəssislər bu məlumatların heç bir elmi əsası olmadığını bildirirlər.

Onların sözlərinə görə, toyuq ətində hormonlardan istifadə texniki, hüquqi və iqtisadi baxımdan həm mümkün deyil, həm də qadağandır.

Qida mühəndisi Ebru Akdağ qeyd edir ki, Türkiyədə və dünyanın bir çox ölkəsində toyuq ətində hormonlardan istifadə qanunla qadağandır. Üstəlik, indiyə qədər bu istiqamətdə heç bir rəsmi məlumat qeydə alınmayıb.

O əlavə edir ki, bəzi insanlar mal-qarada istifadə olunan böyümə hormonları ilə toyuq istehsalını səhv salırlar. Halbuki, bu implantların toyuqlara heç bir fizioloji təsiri yoxdur.

Urologiya üzrə mütəxəssis Cüneyt Adayener isə bildirir ki, toyuq ətində estrogen hormonu yoxdur və bunun kişilərdə hormon səviyyəsini dəyişdirməsi mümkün deyil.

Mütəxəssislər istənilən qida məhsulunda olduğu kimi, toyuq ətində də təhlükəsizlik üçün etibarlı və nəzarətli brendlərdən alış-veriş etməyi tövsiyə edirlər.