Uşaq evindən şikayətlə bağlı rəsmi açıqlama

Azərbaycanda yerləşən daha bir uşaq evindən narazılıqlar ortaya çıxıb. Bu barədə görüntülər sosial şəbəkələrdə yayılıb.

Belə ki, uşaqlardan biri orada şiddət gördüyünü bildirib: “Bizi çubuq, taxta ilə döyür, başımıza, belimizə vururlar. Bizi o qədər döyürlər ki, özümü asmaq istəmişəm”.

Bakı Şəhər İcra Hakimiyyətindən bildirilib ki, sözügedən görüntülər paytaxtdakı uşaq evlərində çəkilməyib. Məlum olub ki, videogörüntülər 6 il əvvələ aiddir.

Qeyd edək ki, illər öncə yayılan bu xəbər xeyli müzakirələrə yol açmışdı.