Valideynləri çətinliyə salan problem | Bunları almaq bizə heç sərf etmir!

Yeni tədris ilinin başlaması ilə əlaqədar repetitor hazırlığına gedən şagirdlərdən, eləcə də ali məktəbə hazırlaşanlardan tələb edilən əlavə dərs vəsaitlərinin qiyməti əl yandırır.

Vəziyyət valideynlərin maddi durumunu xeyli çətinləşdirib. Belə ki, 5 əsas fənn üzrə qiymətləndirmə tapşırıqları, əlavə vəsait və test toplusunun minimum qiyməti 8 manatdan başlayır.

“Qardaşım məktəbdə oxuyur. Əlavə dərs vəsaitləri heç kimə sərf etmir. Bəzi ailələrdə 3-4 uşaq var. 15 manatdan hesablasaq, görün nə qədər pul lazım olur?”, – deyə Baku TV-nin mövzu ilə bağlı sorğusu zamanı sakin deyib.

Məsələ ilə əlaqədar Dövlət İmtahan Mərkəzindən bildirilib ki, bu vəsaitlərdən istifadə sərbəstdir: “Qiymətlərə gəlincə, DİM tərəfindən nəşr olunan bu tipli vəsaitlərin qiymətində hansısa dəyişiklik yoxdur. Qiymətlər vəsaitin həcmindən asılı olaraq 8-10 manat arasında dəyişir”.