Varlıların gec qocalmasının sirri | Bunlar niyə kasıbları ölümə aparır?

Daha yüksək gəlirli və təhsilli insanlar gec qocalır və sosial-iqtisadi statusu aşağı olan həmyaşıdlarına nisbətən yaşla bağlı xəstəliklərə daha az məruz qalırlar.

London Universitet Kollecinin alimləri belə nəticəyə gəliblər.

Tədqiqatda 800 mindən çox insanın iştirak etdiyi dörd böyük, uzunmüddətli layihənin məlumatlarından istifadə edilib.

Alimlər müəyyən ediblər ki, sosial-iqtisadi statusu aşağı olan insanlar varlı həmyaşıdlarına nisbətən orta hesabla 20% daha çox yaşa bağlı xəstəliklərə tutulurlar. Bəzi xəstəliklər üçün bu risk daha yüksəkdir. Məsələn, aşağı gəlirli qrupdakı insanlar 2-ci tip diabet, qaraciyər, ürək-damar xəstəlikləri, ağciyər xərçəngi və insulta daha meyillidirlər.

Qandakı 14 zülalın səviyyəsi birbaşa insanın sosial vəziyyətindən asılıdır.

Tədqiqatçılar həmçinin müəyyən ediblər ki, yaşla sosial statusun yaxşılaşdırılması qocalma prosesinə müsbət təsir göstərir. Uşaqlıqda əlverişsiz şəraitdə yaşamış, lakin sonradan yüksək səviyyəli gəlir və status əldə etmiş insanların qan zülal profili sosial şəraiti dəyişməmiş insanlara nisbətən daha əlverişli olub. Sosial statusu və qocalmanı birləşdirən dəqiq mexanizmlər hələ də tam başa düşülməyib.