Cəmiyyət
Pleyeri seçin:
Xaçmazın bu kəndində minə yaxın ağac əkildi | Aksiyadan görüntülər
Xaçmaz rayonunda “Yaşıl dünya naminə həmrəylik ili” çərçivəsində keçirilən ağacəkmə aksiyası davam etdirilir.
Rayon İcra Hakimiyyətinin təşkilatçılığı ilə növbəti tədbir Gəndob-Xaçmaz-Yalama avtomobil yolunun Xanoba kəndi ərazisindən keçən hissəsində təşkil olunub.
Aksiyada icra başçısı Elnur Rzayev yerli hüquq-mühafizə orqanlarının rəhbərləri, idarə, müəssisə və təşkilatların kollektivləri, şəhid ailələri, qazi və rayon ictimaiyyətinin nümayəndələri iştirak ediblər.
Ərazidə müxtəlif növ ağaclar əkilərək suvarılıb və aqrotexniki qulluq göstərilib. Ümumilikdə Xanoba kəndi ərazisində minə yaxın ağac əkilib. Rayon ərazisində yaşıllıqların artırılması məqsədilə aksiyaların davam etdirilməsi nəzərdə tutulur.
Kopyalandı
Seçilmişlər
