Xaçmazda ali məktəbə qəbul olan şəhid övladları və 600-dən yüksək bal toplayan məzunlarla görüş
Xaçmaz Rayon İcra Hakimiyyətində “Konstitusiya və Suverenlik İli” çərçivəsində tələbə adını qazanan şəhid övladları və 600 baldan yuxarı nəticə göstərərək ali təhsil müəssisələrinə qəbul olan məzunlarla görüş keçirilib.
Rayon İcra Hakimiyyətinin başçısı Elnur Rzayev görüşdə tələbə adını qazanan məzunları, onların valideynlərini və müəllimlərini təbrik edib.
Bildirilib ki, təhsil ocaqlarının maddi-texniki bazası möhkəmləndirilir, yeni məktəb binaları, əlavə tədris korpusları inşa edilir, mövcud məktəblərdə əsaslı təmir işləri aparılır.
Quba-Xaçmaz Regional Təhsil İdarəsinin müdiri Coşqun Əliyev rayonda təhsilin inkişafı istiqamətində görülən işlərdən və əldə olunan uğurlardan danışıb.
Qeyd edilib ki, bu il Xaçmaz rayonu üzrə 33 məzun tam orta məktəbi fərqlənmə atestatı ilə bitirib. Dövlət İmtahan Mərkəzi tərəfindən keçirilən ali təhsil müəssisələrinə qəbul imtahanlarında 19 nəfər 600-dən yüksək bal toplayıb. Ümumilikdə 650 məzun tələbə adını qazanıb.
Sonda tələbə adını qazanan şəhid övladları və 600 baldan yuxarı nəticə göstərərək ali təhsil müəssisələrinə qəbul olan məzunlara fəxri fərman və qiymətli hədiyyələr təqdim olunub, xatirə şəkli çəkdirilib.
#Xaçmaz RİH teqi istifadə olunub
- Xaçmazda keçirilən maraqlı festivalda izdiham yaşandı | Tədbirin əsas məqsədi açıqlandı
- Xaçmazda keçirilən şaftalı festivalından görüntülər
- Media nümayəndələrinə hədiyyə verildi | Milli Mətbuat Günü münasibətilə tədbir keçirildi
- Xaçmazda şəhid Məzahir Kərimovla vida mərasimi keçirildi | “Babamla fəxr edirəm...”
- Xaçmazda növbəti təmizlik aksiyası | Tədbirin keçirilməsində əsas məqsəd
