Xalqımız sübut etdi ki... | İlahiyyat İnstitutunda qanvermə aksiyası

“Bu gün Aşura günü münasibətilə Azərbaycan İlahiyyat İnstitutunda qanvermə aksiyası təşkil olunub. Vətəndaşlar həmin aksiyada fəal iştirak edir və böyük dəstək göstərirlər. Bu da onu göstərir ki, insanlar Aşura gününün mahiyyətini daha yaxşı dərk etməyə başlayıblar”.

Bunu Azərbaycan İlahiyyat İnstitutunun rektoru Aqil Şirinov jurnalistlərə müsahibəsində deyib.

O bildirib ki, bəzi ölkələrdə Aşura günündə mənfi hallara rast gəlinir. Lakin Azərbaycan xalqı bu günü daha sağlam, sivil qaydada qeyd edir.

“Azərbaycan xalqı belə sivil aksiyalarla göstərir ki, insana dəyər verir, qan verərək başqa birinin həyatını xilas edir”, – deyə A.Şirinov qeyd edib.