Xarici ölkələrdən Azərbaycana gətirilən bu həşəratlar görün neçəyədir

Bu ilin ilk rübü ərzində xarici ölkələrdən Azərbaycana 8 milyon 509 min 450 ədəd həşərat idxal olunub. İdxal olunan həşəratların 100 ədədinin orta gömrük qiyməti 30 sent, təxminən 51 qəpik olub.

Qeyd edək ki, idxal olunan həşəratların 8 milyon 89 min ədədi və ya 95 %-i Rusiyadan gətirilib. Adıçəkilən ölkədən gətirilən 100 ədəd həşəratın orta gömrük qiyməti isə 21 sent, təxminən 37 qəpik təşkil edib.

Bundan başqa, 168 min 450 ədəd həşərat Mərakeşdən, 252 min həşərat isə Belçikadan idxal edilib. Bu həşəratların idxalı əsasən kənd təsərrüfatında zərərvericilərlə bioloji mübarizə, elmi tədqiqatlar və digər məqsədlərlə həyata keçirilir.

Əlavə edək ki, Azərbaycan da xaricə böcək ixrac edir. Belə ki, 2018-ci ildə 234 min həşərat ixrac olunub. İxrac olunan 100 ədəd böcəyin orta gömrük qiyməti isə 15 dollar, təxminən 25 manat olub.