Pleyeri seçin:
Xərçəngin kimyaterapiyasının nəticələrini yaxşılaşdıran təbii maddə kəşf edildi
Siena Universiteti və digər elmi qurumların italyan alimləri xərçəngin kimyaterapiyasının nəticələrini yaxşılaşdıran təbii maddə kəşf ediblər.
Komanda oleanolik turşunun kamptotesin dərmanı ilə birləşdirildikdə müalicənin effektivliyini artırdığını müəyyən edib.
Oleanolik turşu üzüm, zeytun yağı və bir çox digər bitki qidalarında olur. Yeni araşdırmada komanda üzüm poma ekstraktı olan turşunun xüsusiyyətlərini öyrənmək üçün nüvə maqnit rezonansından istifadə edib.
Testlər sözügedən turşunun kimyəvi terapiya maddələri ilə birləşdirildikdə xərçəng hüceyrələrinin canlılığına əhəmiyyətli təsir etdiyini göstərib. Kamptotesinə oleanolik turşunun əlavə edilməsi tək onun istifadəsi ilə müqayisədə tələb olunan dərman konsentrasiyasını azaldır.
Tədqiqatçıların fikrincə, kəşf kimyaterapiyanın xəstələr üçün daha asan və təhlükəsiz olmasına kömək edəcək, onunla əlaqəli yan təsirlərin sayını azaldacaq.
Kopyalandı
Seçilmişlər
