Xırdabuynuzlu heyvanlar niyə azalır?

Xırdabuynuzlu heyvanların 8 faiz azalması qabaqlayıcı tədbirlər görülməsinə zəmin yaradır.

Bunlardan başlıcası heyvandarlıqda intensiv texnolgiyaların tətbiqidir. Həmçinin süni mayalanmanın da qoyunçuluğun inkişaf etdirilməsində, aborigen qoyun cinslərinin toxum bankının və yüksək məhsuldarlığı ilə seçilən yeni cinslərin yetişdirilməsində, yoluxucu xəstəliklərin və qısırlığın yayılmasının qarşısının alınmasında praktiki əhəmiyyəti böyükdür.

Heyvandarlıq Elmi-Tədqiqat İnstitutunun bu istiqamətdə 4 ildir apardığı elmi tədqiqatlar artıq real nəticələr verməkdədir. İndiyədək aparılan elmi tədqiqatların nəticələrinin artıq praktik tətbiqinə start verilib.

Tezliklə nəticələrin heyvandarlıq təsərrüfatlarında tətbiqinə də başlamaq planlaşdırılır.

Qeyd edək ki, ötən il ölkəyə 200 min başa yaxın xırdabuynuzlu mal-qara gətirilib ki, bu da əvvəlki illə müqayisədə 65 faiz artım deməkdir. Süni mayalanmanın tətbiqi hər 100 baş ana qoyundan 130-170 baş quzu almaq imkanı yaratmaqla iqtisadi cəhətdən də böyük səmərə verəcək.