Xırdalanda müəllimə qızıl "hədiyyə"si səs-küy yaratdı

Xırdalan şəhəri 1 nömrəli tam orta məktəbin müəlliminin rüşvət almasına dair iddialar güdəmə çevrilib. Bununla bağlı sosial şəbəkələrdə görüntülər də paylaşılıb.

Görüntülərdə sözügedən məktəbin ibtidai sinif müəlliminə 4-cü sinif şagirdlərinin məzun günündə valideynlər tərəfindən qızıl sırğa və üzük taxıldığı əks olunub. Bu paylaşım sosial şəbəkə izləyiciləri tərəfindən sərt tənqid edilib. Müəllimlərin bu kimi “şirinlik” adı altında rüşvət almaları iddia edilib.

Qeyd edək ki, iddiada sözügedən müəllimin, eləcə də aidiyyəti qurumların məsələyə münasibətini öyrənmək üçün Baku TV hadisəni diqqətdə saxlayacaq.