Yeni Saray körpüsündə hansı problemlər nəzərə alınmadı? - NECƏ OLMALIDIR?

“Necə olmalıdır?” rubrikasının yeni buraxılışı yayımlanıb.

Bu dəfə yenilənən Saray körpüsündə nəzərə alınmayan problemlər haqqında məlumat verilib.

Bildirilib ki, həm Sumqayıt şəhəri, həm də Saray qəsəbəsi istiqamətlərində girişdə və çıxışdakı maneələr nəqliyyat vasitələri üçün ciddi problem yaradır:

“Çünki iki zolaqda gələn nəqliyyat vasitələri məcburiyyət qarşısında bir zolağa daxil olur. Körpünün hər iki tərəfdən maneələrlə daraldılması sutkanın istənilən vaxtı sürücülərə çətin anlar yaşadır. Bu da qəza riskini artırır. Hər iki tərəfdə məlumatverici və xəbərdarlıq nişanlarının olmasına baxmayaraq, ani diqqətsizlik qəza şəraiti yarada bilər”.

Qeyd edilib ki, körpünün Sumqayıt şəhəri istiqamətinin hər iki tərəfində piyadalar üçün çəkilən səki isə heç bir təhlükəsizlik standartlarına cavab vermir:

“Kənarında təhlükəsizlik maneələrinin olmaması yıxılma riskini artırır”.