Yerdə elə dəyişikliklər olacaq ki... | Alimlərdən qorxunc məlumat

Çikaqo Universitetinin alimləri belə qənaətə gəliblər ki, 1,5 milyard il ərzində Günəşin parlaqlığının artması Yerdə geri dönməz dəyişikliklərə gətirib çıxaracaq və bu, planetdə həyatı qeyri-mümkün edəcək.

Tədqiqatçılar müəyyən ediblər ki, artıq Günəşin parlaqlığı 30 faiz artıb. Bu proses davam edəcək və Yer kürəsində karbon qazının səviyyəsinin azalmasına gətirib çıxaracaq. Bu da öz növbəsində yaşaması üçün fotosintez tələb edən bitkilərə ciddi ziyan vuracaq.

Əgər bitkilər ölürsə, o zaman Yerin ekosistemində oksigenə ehtiyacı olan bütün canlı orqanizmləri məhv edəcək zəncirvari reaksiya kimi bir proses başlayacaq.

Çikaqo Universitetində həmçinin hesab edirlər ki, Günəşin parlaqlığının daha da artması ilə Yer kürəsi "yaş istixana effekti"nin məngənəsində ola bilər.

Bundan sonra planet normadan daha güclü istiləşməyə başlayacaq ki, bu da həyat üçün yaxşı bir şey vəd etmir.