Yuxunun müddəti və keyfiyyəti arasındakı əlaqə | Mütəxəssislərdən vacib açıqlama

Yuxu fiziki və zehni sağlamlığımız üçün həyati əhəmiyyət daşıyır. Lakin mütəxəssislər bildirirlər ki, vacib olan yalnız yuxunun müddəti deyil, həm də onun keyfiyyətidir.

Mövzu ilə bağlı Stanford Universitetindən yuxu mütəxəssisi Rafael Pelayo araşdırma aparıb. O qeyd edib ki, əksər insanlar üçün 7-9 saat yuxu ideal hesab olunur. 6 saatdan az və ya 9 saatdan çox yuxu sağlamlıq risklərini artıra bilər.

Yaşa görə yuxu tələbatına əsasən, körpələr 14-17 saat, gənc yetkinlər 8-10 saat, böyüklər 7-9 saat, yaşlılar 7-8 saat yatmalıdırlar.

Pelayonun fikrincə, yuxu çatışmazlığı depressiya və stress, yüksək qan təzyiqi, infarkt və insult, immunitet sisteminin zəifləməsi və Altsheymer riskini artıra bilər.

Ekspert sonda əlavə edib ki, əgər kifayət qədər yatdığınız halda, yenə də özünüzü yorğun hiss edirsinizsə, dərhal həkimə və ya yuxu mütəxəssisinə müraciət etmək tövsiyə olunur.