Zəlzələdə ölən soydaşlarımızın sayı artdı

Türkiyədə aparılan axtarış-xilasetmə tədbirləri çərçivəsində indiyə qədər zəlzələ nəticəsində həlak olan Azərbaycan vətəndaşlarının sayı 10 nəfərə çatıb. Bu barədə Xarici İşlər Nazirliyindən məlumat verilib.

“Əvvəlki günlərdə şəxsiyyətləri müəyyən edilmiş 6 vətəndaşımızdan əlavə, 2002-ci il təvəllüdlü İsmayıllı Hümam Fəxri oğlunun, 2000-ci il təvəllüdlü Nəzərzadə Gündüz Mübariz oğlunun və Quliyev Samir Həsən oğlunun, 1950-ci il təvəllüdlü Qocayeva Lida Süleyman qızının vəfat etdikləri müəyyən olunub”, - deyə XİN-in sözçüsü Ayxan Hacızadə bildirib.

XİN-in rəsmisinin sözlərinə görə, Türkiyədə zəlzələ bölgəsində yaşayan daha 9 azərbaycanlıdan hələ də xəbər almaq mümkün olmayıb.