Zəng edirik, amma məhəl qoyan yoxdur | Xətaidə boru partladı, ev gölə çevrildi
Xətai rayonu UPD qəsəbəsində yaşayan sakinin evi içməli su borusunun partlaması nəticəsində qəzalı vəziyyətə düşüb.
Şikayətçi bu vəziyyətin iki aya yaxındır hökm sürdüyünü və ətrafdakı digər evlərin də su ilə dolmasına səbəb olduğunu deyir:
“Evlərimiz suyun içindədir. Su idarəsinə gedirik, zəng edirik, məhəl qoyan yoxdur. Deyirlər ki, qanunsuz tikilidir”.
Evi su ilə dolan başqa şikayətçi isə qeyd edib ki, partlayan borudan gələn su kanalizasiyaya axıdılır.
İri Şəhərlərin Birləşmiş Su Təchizatı Xidmətinin nümayəndəsi Ceyhun Musaoğlu məsələ ilə bağlı bildirib ki, həmin ərazidə illər əvvəl qaydalar kobud şəkildə pozularaq su xəttinin üzərində evlər tikilib. Qəza baş verən ev də qanunsuz tikilən mənzillərdən biridir. Ərazidə baş verən problemin aradan qaldırılması üçün isə vətəndaşın evi sökülməlidir. Lakin vətəndaş buna etiraz edib.
Qurum rəsmisinin sözlərinə görə, bu səbəbdən aidiyyəti qurumlara müraciət edilib və müəyyən sənədlər hazırlandıqdan sonra məhkəməyə təqdim olunacaq.
#Xətai rayonu teqi istifadə olunub
- Xətaidə torpaq sürüşdü | Avtomobillərə ziyan dəydi - Baku TV
- “Uşaq düşən kimi batdı” | Zığ qəsəbə sakinlərini bezdirən vəziyyət - Baku TV
- “Bacısı burada ağlayırdı” | Qonşular ər-arvadın faciəvi ölümündən danışdı - Baku TV
- "Gecə 4-ə qədər..." | Bu restoran sakinlərin yaşayışını görün necə kabusa çevirib - Baku TV
- "Qurumlar hara baxır, işləri nədən ibarətdir?" | Xətaidə küçə hələ də təmir edilməyib - Baku TV
