Pleyeri seçin:
100 milyard dəyərindəki bu layihə nə zaman təsdiqlənəcək?
Almaniya Ordusunu 460 min nəfərə çatdırmağı planlaşdırır.
Ölkənin müdafiə naziri Boris Pistorius bildirib ki, bu rəqəmə 200 min ehtiyat qüvvə də daxildir:
“Məqsədimiz Avropanın ən güclü ənənəvi ordusuna sahib olmaqdır və belə də olacaq. Zərurət olduqda hərbi güclənmə mülki güclənmə ilə müşayiət olunacaq. Mülki komponent əsasən birbaşa, dərhal və səmərəli şəkildə qoşunlara dəstək verdiyi sahələrdə, yəni qoşunlara yaxın və ya onların daxilində artırılacaq”.
Fransa-Almaniya birgə “FCAS fighter jet project” layihəsinin gələcəyi ilə bağlı suala cavab verən Pistorius bildirib ki, bu həftə Almaniya Kansleri Fridrix Merts və Fransa Prezidenti Emmanuel Makron layihənin taleyi ilə bağlı qərar verəcəklər.
Qeyd edək ki, təxminən 100 milyard avro dəyərində qiymətləndirilən bu layihə Fransanın “Dassault Aviation” şirkəti ilə Almaniya və İspaniyanı təmsil edən “Airbus” arasında idarəetmə ilə bağlı mübahisələr səbəbindən ləngiyib.
Kopyalandı
Seçilmişlər
