Pleyeri seçin:
Almaniyada xaos | Müdafiə naziri istefaya göndərilir?
“Almaniya üçün Alternativ” partiyası ölkənin müdafiə naziri Boris Pistoriusun istefasını tələb edəcək.
Bu sözləri Bundestaqın Müdafiə Komitəsinin üzvü Herold Otten bildirib.
Onun sözlərinə görə, Almaniya və Böyük Britaniya zabitləri arasında baş tutan gizli telefon danışığının səs yazısının Rusiyaya sızdırılmasından sonra yaranan qalmaqal Boris Pistoriusun üzərinə düşən vəzifələrinin öhdəsindən gələ bilmədiyini sübut edir.
Xüsusilə də nazirin mövqeyinin Kansler Olaf Şoltsun rəsmi açıqlamaları ilə ziddiyyət təşkil etməsi ciddi problem yaradıb. Bu səbəbdən partiya hesab edir ki, Boris Pistorius artıq vəzifə tuta bilməz.
Herold Otten fraksiyanın Bundestaqın Müdafiə Komitəsinin növbədənkənar iclasının keçirilməsi təşəbbüsü ilə çıxış etdiyini də vurğulayıb. Bundan əlavə, o, müdafiə nazirinin istefasının mümkün qədər tez baş tutmalı olduğunu da bildirib.
Kopyalandı
