Pleyeri seçin:
Ukrayna və Rusiya arasında sülh olmayacaq? | Almaniya müdafiə nazirindən sensasiyalı açıqlama
Almaniya müdafiə naziri Boris Pistorius ABŞ Prezidenti Donald Trampı rusiyalı həmkarı Vladimir Putinlə danışıqlar zamanı səhv etməkdə ittiham edib.
Bu barədə Almaniya mediası məlumat yayıb.
Alman nazir bildirib ki, D.Tramp V.Putinlə telefon danışığında öz təsirindən kifayət qədər istifadə etməyib.
Xüsusilə B.Pistoriusun fikrincə, ABŞ Prezidenti danışıqlar üçün əsas kimi Ukraynanın NATO-ya daxil olması perspektivini rədd edərkən səhvə yol verib.
Almaniya müdafiə naziri Rusiya və ABŞ liderləri arasında telefon danışığı ilə bağlı gözləntilərinin o qədər də yüksək olmadığını, əksinə, nəticəsinin daha pis olduğunu bildirib.
“D.Tramp başa düşməli idi ki, V.Putini təkcə şəxsi söhbətlərlə inandırmaq olmaz. V.Putin zamanla oynayır, sülh görünmür”, – o vurğulayıb.
Xatırladaq ki, mayın 19-da V.Putin və D.Tramp arasında iki saatdan çox davam edən telefon danışığı olub. Danışıqlardan sonra hər iki lider söhbətin konstruktiv və səmimi olduğunu iddia edib.
Kopyalandı
