13 yaşda ana olurlar, çünki... | Qadağaları ilə adətlərimizi xatırladan ölkə

“Oralarda necədir?” rubrikasının yeni buraxılışında toxunulmamış təbiəti, kokos bağları, təmiz çayları, boş çimərlikləri ilə məşhur olan Dominikan Respublikasından bəhs olunub.

Burada dünyaya övlad gətirən qadınlara olan qadağalar bəzi köhnə adətlərimizi xatırladır.

Belə ki, uşağın qırxı çıxana qədər qadınlar çimməməli, dırnaqlarına boya sürtməməli və küçəyə çıxmamalıdırlar. Düzdür, çimmək məsələsi bizdə qadağa olunmayıb. Bu adəti qadının orqanizminin zəifləməsi ilə izah edirlər.

Dominikanda 13 yaşlı qızların hamilə qalması problemlərdən biridir. Lakin valideynlərin özləri də ilk övladlarını 13-14 yaşında dünyaya gətirdiklərindən bu cür hallara öyrəşiblər.

Bu ölkədə demək olar ki, hər kəsin saçı qıvırcıqdır. Belə saçla işə getmək olmaz, hər kəs saçını düzləşdirməyə məcburdur. Bu halda qadın saç ustalarının da işi pis getmir və onlar hər müştəridən 6 dollar, yəni 10 manat alırlar. İşlər yaxşı gedərsə, saç ustaları aya 755 dollar, yəni 1283 manat qazanırlar.