Abdullahian Suriyada Bəşər Əsədlə görüşdü, İsraili buna görə hədələdi

İranın xarici işləri naziri Hüseyn Əmir Abdullahian Suriyaya səfəri çərçivəsində ölkənin prezidenti Bəşər Əsədlə görüşüb, onunla bölgədəki vəziyyət barədə fikir mübadiləsi aparıb.

H.Ə.Abdullahian İranın Suriyadakı konsulluq binasına İsrailin endirdiyi zərbə nəticəsində ikisi general olmaqla 7 hərbçinin ölümünə səbəb olan hadisəyə görə ABŞ-ni ittiham edib.

Nazir həmçinin Qəzzada və Livanla sərhəd boyunca iranlı hərbi rəsmilərin hədəfə alındığını və buna görə İsrailə qətiyyətlə cavab veriləcəyini bildirib.