ABŞ İsrailin İranın yanacaq infrastrukturuna zərbələrindən narazıdır
Vaşinqton administrasiyası İsrailin İranın yanacaq infrastrukturuna endirdiyi zərbələrin miqyasından narazıdır.
Bu barədə “Axios” portalı məlumat yayıb.
Mənbələrin bildirdiyinə görə, ABŞ tərəfi İsrailin şənbə günü İranın 30 yanacaq anbarına zərbə endirəcəyini gözləmirdi.
Portal qeyd edir ki, bu vəziyyət müharibə başlayandan bəri müttəfiqlər arasında ilk ciddi fikir ayrılığına səbəb olub.
Vaşinqton hesab edir ki, bu cür zərbələr İran cəmiyyətini daha da birləşdirə, Tehrandakı hakimiyyətə dəstəyi gücləndirə və neft qiymətlərinin artmasına səbəb ola bilər.
Məlumata görə, İsrail ABŞ-yə bu obyektlərə zərbə endirmək planı barədə əvvəlcədən məlumat verib. Lakin amerikalı hərbçilər hücumların miqyasının daha məhdud olacağını düşünürdülər. “Bunun yaxşı ideya olduğunu düşünmürük”, – deyə ABŞ rəsmilərindən biri bildirib.
Qeyd olunur ki, Vaşinqton və İsrail hakimiyyətləri bu məsələ ilə bağlı əlavə məsləhətləşmələr aparacaqlar. Portalın məlumatına görə, martın 10-da ABŞ Prezidentinin kürəkəni Cared Kuşner və prezidentin xüsusi nümayəndəsi Stiven Uitkoffun İsrailə səfəri planlaşdırılır.
Bundan əvvəl ABŞ-nin energetika naziri Kris Rayt CNN telekanalına açıqlamasında ABŞ hərbçilərinin İranın neft-qaz infrastrukturuna zərbələr endirmədiyini və belə planlarının olmadığını bildirib. O, bu cür zərbələrin havanın çirklənməsinə səbəb olduğunu da etiraf edib.
#ABŞ-İsrail-İran müharibəsi teqi istifadə olunub
- Netanyahu müharibənin növbəti mərhələsi haqqında fikirlərini söylədi - Baku TV
- Büdcə siyasətinin hədəfləri açıqlanıb | Trampın İrandan sonrakı hədəfi - YENİ BİR SƏHƏR
- Macarıstan üçün seçim: Türk dünyası ilə davam, yoxsa dönüş? | İrandan ABŞ-yə mesaj - YENİ BİR SƏHƏR
- ABŞ və İran rəsmi olmayan gərgin status-kvoya keçərək, iqtisadi təzyiqləri artıracaq?
- Hörmüz boğazında kritik anlar | Bakı Bulvarında çiçəkləri kim yararsız hala salıb? - YENİ BİR SƏHƏR
