ABŞ Ukraynaya "Tomahawk" raketlərini verəcək?

Rusiya Prezidenti Vladimir Putin ABŞ-nin Ukraynanın raketlərdən istifadəsinə qoyduğu əsas məhdudiyyətlərin mümkün ləğvi ilə bağlı suala cavab olaraq Rusiyanın dərinliklərində “Tomahawk” hücumlarına əhəmiyyətli cavab veriləcəyini bildirib.

“Bu, eskalasiya cəhdidir, lakin bu cür silahlardan Rusiya ərazisinə zərbə endirmək üçün istifadə olunarsa, o zaman cavab böyük olmasa da, çox ciddi olacaq”, ‒ deyə Prezident vurğulayıb.

Qeyd edək ki, sentyabrın 28-də ABŞ-ın vitse-prezidenti Cey Di Vens bildirib ki, Vaşinqton Kiyevə uzaqmənzilli “Tomahawk” raketlərinin ötürülməsi imkanını nəzərdən keçirir, lakin son söz Amerika Prezidentində qalıb.

Oktyabrın 5-də Putin Ukraynaya potensial raketlərin çatdırılmasının Kreml və Ağ Ev arasında münasibətlərə mənfi təsir edəcəyi barədə xəbərdarlıq edib.

Ertəsi gün Tramp bəyan edib ki, o, çatdırılma ilə bağlı bir növ qərar qəbul edib, lakin gərginliyin qarşısını almaq üçün əvvəlcə Kiyevin onlardan necə istifadə etməyi planlaşdırdığını müəyyənləşdirmək niyyətindədir.