ABŞ və Rusiya arasındakı gərginlik artır | Peskov məsələyə aydınlıq gətirdi

15 iyul 2025 268 baxış

ABŞ Prezidenti Donald Tramp Ukrayna ilə 50 gün ərzində razılaşma əldə olunmayacağı təqdirdə Rusiyaya qarşı sərt sanksiyalar tətbiq edəcəyini açıqlayıb. Kreml bu hədəyə münasibət bildirib.

“Vaşinqtonda deyilənləri təhlil etmək üçün əlbəttə ki, bizə vaxt lazımdır. Əgər Prezident Vladimir Putin lazım bilsə, buna cavab verəcək”, ‒ deyə Dmitri Peskov bildirib.

D.Peskov əlavə edib ki, Rusiya münaqişənin həlli üçün danışıqlar prosesinin növbəti raunduna hazırdır:

“Rusiya-Ukrayna danışıqlarında 3-cü raundun keçirilməsi ilə bağlı Kiyevin təklifini gözləyirik. Biz bu görüşə hazır olduğumuzu bir daha bəyan edirik. Lakin Ukrayna tərəfindən hələ ki heç bir təklif gəlməyib”.

Rusiya Təhlükəsizlik Şurasının sədr müavini Dmitri Medvedev isə Donald Trampın xəbərdarlığını dekorativ ultimatum adlandırıb.

“Dünya bu çıxışdan lərzəyə gəldi, döyüşkən Avropa İttifaqı məyus oldu, Rusiya isə heç fikir vermədi”, ‒ deyə D.Medvedev istehza edib.

#Rusiya