Ağlagəlməz nəticə | Bəşəriyyət 24 saatlıq günü unutmalı olacaq, çünki...

Yerin fırlanma sürətinə həm daxili, həm də xarici qüvvələrin kombinasiyası təsir edir.

Ən əhəmiyyətli amil Ayın qravitasiya təsiridir ki, bu da cazibə qüvvələri yaradır. Bu qüvvələr sürtünmə əmələ gətirir və nəticədə Yerin fırlanması tədricən, lakin davamlı şəkildə yavaşlayır.

Bununla yanaşı, Yer daxilində kütlənin yenidən paylanması, məsələn, nüvənin hərəkəti və buzlaqların əriməsi də bu prosesə təsir edir.

Elm adamlarının sözlərinə görə, minlərlə il əvvəl Yer daha sürətlə fırlanıb. Təxminən 4,5 milyard il əvvəl Ay formalaşanda bir gün cəmi 10 saat çəkirdi. Zamanla Ayın qravitasiya təsiri Yerin fırlanmasını yavaşladıb və günlər tədricən uzanmağa başlayıb. Bu yavaşlama prosesi son 600 milyon ildir ki, davam edir və görünən odur ki, hələ dayanmaq niyyətində deyil.

Yeni tədqiqatlara görə, gələcəkdə Yer günü 25 saata çata bilər.

Alimlər planetin fırlanmasındakı ən kiçik dəyişiklikləri qeydə almağa qadir olan lazer cihazlarından istifadə ediblər. Proqnozlara əsasən, təxminən 200 milyon il sonra bir günün uzunluğu əlavə bir saat artaraq 25 saat təşkil edəcək.

Ekspertlərin sözlərinə görə, belə bir dəyişiklik həyat tərzimizi radikal şəkildə dəyişə bilər.