Almaniya Baltikyanı qonşularının hansı fikirlərindən imtina edib? - Fridrix Merzdən mühüm açıqlama

Almaniya Kansleri Fridrix Merts Rusiya təhlükəsinə dair Baltikyanı ölkələrin illərlə verdiyi xəbərdarlıqlara Almaniyanın kifayət qədər diqqət yetirmədiyini etiraf edib.

Kansler bu yanaşmanın səhv olduğunu vurğulayaraq artıq geri dönüşün mümkün olmadığını bildirib.

“Biz Almaniyada çox uzun müddətdir ki, Baltikyanı qonşularımızın Rusiyanın imperialist siyasəti ilə bağlı xəbərdarlıqlarına qulaq asmaqdan imtina edirik. Biz bu səhvi anladıq. Geriyə dönüş yoxdur”, – deyə F.Merts çıxışında bildirib.

Kansler xüsusilə Litvanın təhlükəsizliyinə toxunaraq Almaniyanın regiondakı öhdəliklərini bir daha vurğulayıb: “Burada bir daha təkrar edirəm: Litvanın təhlükəsizliyi Almaniyanın təhlükəsizliyidir”.

F.Mertsin bu çıxışı NATO-nun Şərqi Avropada artan hərbi fəallığı, Rusiya ilə gərgin münasibətlər və Alyansın kollektiv müdafiə öhdəlikləri fonunda səsləndirilib. Analitiklər bu bəyanatı Almaniyanın Rusiya təhdidinə qarşı daha sərt və açıq mövqe tutmasının göstəricisi kimi qiymətləndirirlər.