Araz Ağalarovdan terrorun baş verdiyi "Crocus City Hall" ilə bağlı yeni açıqlama
22 martda “Krokus Siti Holl”da baş verən teraktın ardınca terrorçular kompleksi yandırmışdılar. Rusiya FHN yanğının ən azı 12 min kv.m sahəni əhatə etdiyini bildirmişdi. Rusiya mediası isə son məlumata görə, yanğın sahəsinin 13 min kv.m sahəni məhv etdiyini yazıb.
Kompleksin sahibi Araz Ağalarov ziyanın qiymətləndirilməsinin hələ başa çatmadığını qeyd edib. “Vedomosti”yə açıqlamasında azərbaycanlı milyarder deyib ki, ilk növbədə kompleksə hansı ziyan dəydiyi qiymətləndiriləcək və bərpanın necə aparılacağı təhlil ediləcək.
Rusiya, Belarus və Qazaxıstanın Ticarət Mərkəzləri İttifaqının rəhbəri Bulat Şakirovun sözlərinə görə, bərpa üçün bütün konstruksiyaları sökmək və sonra onu sıfırdan qurmaq lazımdır. Onun fikrincə, bu proses bir ildən az vaxt aparmayacaq.
“Optima Development” şirkətinin rəhbəri Dmitri Qolevin sözlərinə görə, “Krokus Siti Holl”un tam bərpası üçün 4-5 il vaxt lazımdır.
“Alto” Əmlak Fondunun rəhbəri Natalya Tişendorf isə yeni avadanlıqların alınması zərurətini nəzərə alaraq, konsert zalının bərpasına 9 milyard rubl (təxminən 98 milyon ABŞ dolları) vəsait lazım olacağını düşünür.
“Commonwealth Partnership” şirkətinin direktorlarından biri Alan Baloyevin fikrincə isə kompleksin bərpasına 12-15 milyard rubl (130-160 milyon dollar) lazımdır.
#Crocus City Hall teqi istifadə olunub
- “Crocus City Hall”da terror aktının əsas iştirakçılarından biri ilk ifadəsini verdi
- Rusiya İstintaq Komitəsi Araz və Emin Ağalarovların aktivlərinin dondurulmasını məqsədəuyğun saymadı
- Vüqar Hüseynov ölümündən sonra "igidliyə görə" ordeninə layiq görüldü
- Mənzillər niyə bahalaşdı? | Moskvanı silkələyən qətl | Roma Papasının ölüm səbəbi - YENİ BİR SƏHƏR
- Terrorçular hədəflə bağlı qərarı belə aldı | “Crocus”a hücumun pərdəarxası məqamları
