Artilleriya və PUA-larla şiddətli zərbə | Müharibədə dəhşət dolu anlar

Sutka ərzində Rusiya Ordusunun 1090 hərbçisi məhv edilib.

Ukrayna Silahlı Qüvvələrinin Baş Qərargahının məlumatına görə, bununla da Rusiya Ordusunun müharibə itkiləri 1 152 160 nəfərə çatıb.

Ukraynada gecə saatlarında hava hücumu xəbərdarlığı verilib. Çünki Rusiya Ordusunun “Kinjal” aeroballistik raketləri ilə hücumu qeydə alınıb. Dağıntı və itkilər barədə məlumat açıqlanmayıb.

Noyabrın 9-u axşam saatlarında Odessa PUA hücumuna məruz qalıb. Hava hücumundan müdafiə sistemləri dronları zərərsizləşdirsə də, PUA qalıqları şəhərin küçələrinə düşüb.

Zaporojyenin 13 yaşayış məntəqəsinə 367 hava zərbəsi endirilib. Hücumlar artilleriya və PUA vasitəsilə həyata keçirilib. Bəzi yaşayış binaları və avtomobillər zədələnib.

Rusiya isə Ukraynaya aid 71 dronu məhv edib. PUA-lardan 29-u Bryansk səmasında vurulub. Rusiya Müdafiə Nazirliyinin məlumatına görə, digər dronlar Kursk, Lipetsk, Smolensk, Orlov, Tver, Samara, Krım, Kaluqa, Rostov, Tula və Qara dəniz üzərində zərərsizləşdirilib.

Həftə ərzində Ukrayna Ordusunun 4100 hərbi qulluqçusu öldürülüb. Bu barədə TASS-a hərbi ekspert Andrey Maroçko məlumat verib.

Bununla yanaşı, Ukraynaya aid 74 tank sıradan çıxarılıb. 64 radioelektron stansiya, 102 silah-sursat anbarı və 300 hərbi maşın hədəf alınıb.