Avropa ölkələri vətəndaşlarına İrandan çıxmağı tövsiyə edir

Böyük Britaniya hökuməti İrandakı diplomatik missiyalarının əməkdaşlarını geri çağırmaq barədə sərəncam verib.

Bu barədə məlumat Britaniya hökumətinin saytında dərc olunub.

Məlumatda bildirilib ki, bu müvəqqəti ehtiyat tədbiridir və təhlükəsizlik məqsədilə qəbul edilib.

"Mövcud təhlükəsizlik vəziyyəti ilə əlaqədar biz preventiv tədbir gördük və britaniyalı əməkdaşları İrandan müvəqqəti geri çağırdıq", – deyə məlumatda qeyd olunub.

Bundan əlavə, ABŞ Dövlət Departamenti İsraildəki diplomatik missiyasının fövqəladə məsələlərə cəlb olunmayan əməkdaşlarına və onların ailə üzvlərinə ölkəni tərk etməyə icazə verib.

Qeyd edək ki, İtaliya, Fransa, Polşa və Almaniya Xarici İşlər Nazirliyi də vətəndaşlarına İrandan çıxması, İsrailə isə səfər etməmələrini tövsiyə edib. Bildirilib ki, regionda təhlükəsizlik vəziyyəti qeyri-sabitdir və eskalasiya riski yüksək olaraq qalır.

Qeyd olunub ki, mülki aviasiya üçün hava məkanı bağlana bilər, bu da hava yolu ilə geridönüşü mümkünsüz edə və ya xeyli çətinləşdirə bilər.