Avstraliya sahillərində hücum təhlükəsi

Son zamanlar Avstraliyanın şərq sahillərində çimərliyə gedənləri təhlükəli vəziyyət təhdid edir.

Müşahidələrlə məlum olub ki, bir neçə vəhşi köpəkbalığı tez-tez insanaların kütləvi üzdüyü ərazilərə yaxınlaşır. Əvvəlki aylara nisbətən onlarla qarşılaşmaq ehtimalı artıb.

Ekoloqların qənaətinə görə, buna ətraf mühit amilləri şərait yaradır. Yaxınlıqdakı yaşayış məskənlərindən axıdılan qrunt sularının bir qismi okeana yönləndirilir. Beləliklə, qidalanmaq instinkti ilə sahil ərazilərə yaxınlaşan vəhşi köpəkbalıqları özləri də bilmədən insanların sıx istifadə etdiyi su ərazilərinə çatırlar.

Ekspertlər deyirlər ki, köpəkbalığı hücumları günlərlə davam edən güclü yağışlardan sonra daha da artıb. Çünki bu yağışlar çirkab sularını limana və yaxınlıqdakı çimərliklərə yuyub aparıb. Bu da xırda balıqlarla yanaşı, yırtıcıları da sahilyanı ərazilərə cəlb edib. Köpəkbalığı növləri əsasən duzlu sularda çoxalır.

Ərazi üzrə xidmət aparan mühafizə məntəqəsinin məlumatına görə, Sidneyin şimal sahil xəttindəki bütün çimərliklər növbəti xəbərdarlığa qədər bağlı qalacaq.

“Avstraliyada hər il təxminən 20 köpəkbalığı hücumu baş verir və ən azı 3 şəxsin ölümü ilə nəticələnir. Nə qədər qəribə olsa da, ölkə çimərliklərində boğulma halları köpəkbalığı hücumundan daha azdır”, – deyə mühafizəçilər vurğulayıblar.