Bayden NATO sammitində biabır oldu | Medianı çalxalayan görüntülər

NATO-nun 75 illiyinə həsr olunan və 9-11 iyul tarixlərində baş tutan sammit yekunlaşıb.

Üç gün ərzində bir sıra rəsmi görüşlər keçirilib, vacib açıqlamalar verilib.

Lakin bundan başqa, medianın diqqətindən yayınmayan bir sıra maraqlı məqamlar da yaşanıb ki, bu hadisələr NATO-nun zirvə görüşünə damğasını vurub.

İlk belə nüans sammitin bağlanış mərasimində hər kəsin gözlərinin üstündə olduğu Cozef Baydenin çıxışı zamanı olub. Ağ Ev lideri Ukrayna Prezidenti Volodimir Zelenskini Rusiyalı həmkarı Vladimir Putinlə səhv salaraq onu Prezident V.Putin kimi təqdim edib.

C.Baydenin çaşqınlığı bununla da bitməyib. ABŞ lideri NATO-nun mətbuat konfransı zamanı da daha bir yanlışlığa yol verib. O, ölkənin vitse-prezidenti Kamala Harrisi “Tramp” adlandırıb.

Müzakirələrə səbəb olan növbəti diqqətçəkən məqam isə Albaniyanın Baş naziri Edi Ramanın sammitə ağ rəngdə idman ayaqqabısı ilə qatılması olub.

Maraqlısı budur ki, sözügedən hadisə ilk dəfə baş verməyib. Belə ki, Baş nazir 2022-ci ildə İspaniyanın paytaxtı Madriddə keçirilən NATO sammitində də idman ayaqqabısı ilə iştirak edib.