Bayraqdar ABŞ-nin "Qazprombank"a qarşı tətbiq etdiyi sanksiyalardan danışdı
“ABŞ-nin “Qazprombank”a qarşı tətbiq etdiyi sanksiyalar Türkiyəyə mənfi təsir göstərir. Xarici İşlər Nazirliyi Rusiyadan idxal edilən təbii qazın ödənişi ilə bağlı yaranmış vəziyyəti həll etmək üçün danışıqlar aparır”.
Bunu Türkiyənin energetika naziri Alparslan Bayraktar deyib.
“Təbii ki, sanksiyalarla bağlı qərar Türkiyəyə də təsir edəcək. Türkiyə Xarici İşlər Nazirliyi danışıqları davam etdirir. Enerji təhlükəsizliyi baxımından bizə qaz lazımdır. Sənayemizin qaza ehtiyacı var. Ötən il İrana qarşı sanksiyalar tətbiq edilib, lakin bu ölkədən gələn təbii qaz üçün istisna edilib. İstəyirik ki, ABŞ Rusiya təbii qazı üçün belə bir istisna etsin”, – o bildirib.
A.Bayraktar qeyd edib ki, əvvəllər Qərb sanksiyaları enerji və qida sektorlarına şamil edilmirdi:
“Biz Cozef Bayden Administrasiyasını başa düşmürük. Prezidentlik müddətinin bitməsinə ay yarım qalıb. Pis tərəfi odur ki, embarqonu bir gecədə qaldırmaq çətindir. Türkiyə üçün istisna edilmədikcə hədəf Rusiya deyil, Türkiyə olacaq, belə deyilmi?”.
#Türkiyə teqi istifadə olunub
- İran göstərilən həmrəyliyə görə Türkiyəyə təşəkkür edib - Baku TV
- Məqsəd Türkiyəni bölgədəki gərginlikdən uzaq tutmaqdır | Ərdoğan - Baku TV
- “Bu gün yaşadığımız böhranın əsas səbəbi enerjidir” | Murad Kurum
- Azərbaycan MN Türkiyəyə raket atılmasına münasibət bildirdi - Baku TV CANLI
- Tokat bölgəsində 5.5 bal gücündə zəlzələ | Sakinlər həyəcan içində - Baku TV
