Belçikada kürdlər və türklər əlbəyaxa dalaşdı | Yaralananlar var
Belçikada türklər və kürdlər arasında qarşıdurma yaşanıb.
Əlbəyaxa davada tərəflər bir-birinə küt alətlərlə zərbələr endirib. Daha sonra kürdlər mərkəz küçələrdə və ətraf rayonlarda yaşayan tanışlarını toplayaraq türklərin sıx yaşadığı məhəllələrə hücum ediblər. Türklər isə PKK lideri Öcalanın bayrağını yandırıblar.
Hadisə yerinə Belçika polisi və həkimlərin gəlişi ilə durum daha da gərginləşib. Hiddətlənən kürdlər türk gənci döyərək şüarlar səsləndirməyə başlayıblar. Bunu görən hüquq-mühafizə orqanlarının əməkdaşları tərəfləri sakitləşdirmək və yaşana biləcək yeni toqquşmaların qarşısını almaq üçün təziqli su şırnaqlarından istifadə ediblər.
Nəticədə 6 nəfər xəstəxanaya yerləşdirilib. Onlardan birinin vəziyyəti ağırdır. Azı 10 nəfər həbs edilib.
Belçikanın bələdiyyə rəhbəri hadisəni kürdlərin təhrikedici addımı kimi qiymətləndirib. “Kürdlər çox sayda türkün yaşadığı məhəllələrdən PKK bayraqları ilə keçərək türkləri təxribata çəkdilər. Əgər onlar bu lazımsız təhrikedici addıma əl atmasaydı, məlum hadisələr yaşanmazdı”, – deyə o bildirib.