Biznesmen elə şeydə ittiham olunur ki... | Qalmaqallı xəbərin detalları

ABŞ-də rusiyalı iş adamı saxlanılıb.

Kriptovalyuta sahibkarı olan Yuri Quqnin 500 milyon dolların yuyulması və Amerikanın həssas texnologiyalarını alıb Rusiyaya kömək etməkdə ittiham olunub.

“Financial Times”ın məlumatına görə, Yuri Quqnin “Evita Pay” şirkətinin rəhbəridir. Floridada qeydiyyata alınan şirkətin təsisçisi başqa cinayətlərdə də şübhəli bilinir. Əsas ittiham isə Amerika elektronikasının alışıdır. Çünki “Rosatom” nüvə texnologiyaları şirkətinə görə, bu, ixrac nəzarəti olan məhsullar arasındadır.

Yəni bu elektronikaların Rusiyaya ötürülməsi qadağandır. Yuri Quqnin isə sanksiya və ixrac qadağalarından yayınmaq üçün kripto maxinasiyalarına əl atıb. Şirkət 2 milyard dəyərində qanunsuz alqı-satqı həyata keçirib. Əsas müştəriləri isə Rusiya, Çin və Birləşmiş Ərəb Əmirlikləri olub.