“Bu, dəhşətli faktdır” | Qəzzadakı vəziyyətlə bağlı nələr üzə çıxdı?
Qəzzada 48 saat ərzində 14 min körpə ölə bilər. Çünki bölgədə ölümlə üz-üzə qalan insanlar humanitar yardımsız qalıb.
Belə xəbərdarlıqla BMT-nin Humanitar Komitəsinin rəhbəri Tom Fletçer çıxış edib.
O, ərzaq məhsulları ilə yanaşı, sektorda tibbi ləvazimatların da çatışmadığını bildirib.
“14 min körpənin ölüm təhlükəsində olması isə dəhşətli faktdır” deyən BMT rəsmisi ərzaq dolu 100 yük avtomobilinin hələ də Qəzzaya buraxılmadığını xatırladıb.
Qeyd edək ki, İsrail humanitar yardımlara qoyulan qadağanı belə izah edib ki, bu məhsulları HƏMAS talayır. Buna görə də Təl-Əviv yaxın günlərdə özünün nəzarət edəcəyi yardım məntəqələri açacaq. Sadəcə, İsrail bunu Qəzzanı tam nəzarətə götürəndən sonra etməyi planlaşdırır. HƏMAS isə təslim olmur. Belə olan halda BMT-nin 48 saata 14 min uşağın ölə biləcəyi ilə bağlı xəbərdarlığı real təhlükəyə çevrilir.
#Körpə ölümü teqi istifadə olunub
- Xaçmazda azyaşlı avtomobildə həyatından oldu | "Yolu keçə bilməyiblər"
- Xaçmazda yolun bağlı olması doğuş vaxtı ölümə səbəb oldu
- Astarada 10 aylıq körpə nədən dünyasını dəyişdi?
- Siyəzəndə biraylıq körpənin müəmalı ölümü | Nənəsi fəryad etdi, həkim isə...
- Sumqayıtdakı bədbəxt hadisənin təfərrüatı | 23 yaşlı ana dəhşət yaşadı
