Budapeştdə Rusiya-Amerika sammiti baş tutmayacaq?
“Türkiyə Rusiya və ABŞ prezidentləri ‒ Vladimir Putin və Donald Tramp arasında keçiriləcək görüş üçün alternativ məkana çevrilə bilər, orada sammiti təşkil etmək Macarıstandan daha asan olardı”.
Bu fikirləri TASS-a amerikalı politoloq Con Kavuliç deyib.
“Tramp-Putin sammiti üçün alternativ məkan kimi Türkiyəyə diqqət edin. Hər iki prezident üçün oraya getmək, təhlükəsizliyi təmin etmək daha asandır”, ‒ ekspert bildirib.
O xatırladıb ki, Tramp bundan əvvəl Türkiyə Prezidenti Rəcəb Tayyib Ərdoğanın Rusiya-Ukraynadakı münaqişəsinin həllindəki rolunu yüksək qiymətləndirib.
Kavuliçin sözlərinə görə, Ankara və İstanbulda saraylar da daxil olmaqla, görüş üçün bir sıra münasib yerlər var.
ABŞ Prezidenti oktyabrın 21-də bəyan edib ki, Budapeştdə Rusiya-Amerika sammitinin baş tutub-tutmayacağına dair qərar yaxın iki gündə verilə bilər.
Qeyd edək ki, bundan əvvəl ABŞ və Rusiya prezidentlərinin Budapeştdə nəzərdə tutulmuş görüşünün ləğv edilməsi barədə məlumat yayılmışdı.
#Vladimir Putin teqi istifadə olunub
- Putin Tacikistan Prezidentinə başsağlığı verdi
- Putin MDB liderlərini Ermitajda gəzdirdi | Sankt-Peterburqdan görüntülər - Baku TV
- Rusiya Müdafiə Nazirliyinin yüksək vəzifəli nümayəndəsi öldürüldü - Baku TV CANLI
- Putinin Ukrayna ilə bağlı növbəti planı nədir? - Baku TV CANLI
- Rusiya prezidentinə göndərilən qeyri-adi hədiyyə gündəm oldu - Baku TV
