Çörək sexindən "Avroviziya" səhnəsinə | Hadisə niyə cəmi 4 ay evli qaldı? - ARAŞDIRMA

Hadisə Açıkgöz 22 oktyabr 1985-ci ildə Belçikanın Mol şəhərində sivaslı ailədə dünyaya gəlib. Erkən yaşlarından musiqiyə böyük maraq göstərsə də, uşaqlığı asan olmayıb.

11 yaşında valideynlərinin boşanması onun həyatında ağır zərbə olub. Bu dönəmdə Hadisə müxtəlif işlərdə – mağazada, supermarketdə və çörək sexində çalışaraq ailəsinə dəstək olub.

2003-cü ildə “Idool” yarışmasında iştirak edən Hadisə albom təklifi alıb. İlk mahnısı "Sweat" 2004-cü ildə çıxıb və Belçikada uğur qazanıb. Daha sonra "Stir Me Up" və "Milk Chocolate Girl" ilə musiqi siyahılarında yüksək yerlərə yüksəlib.

Hadisənin adı 2009 Eurovision Mahnı Müsabiqəsində Türkiyəni təmsil etməsi ilə daha geniş tanınıb. "Düm Tek Tek" mahnısı ilə müsabiqədə 4-cü yerə çıxıb.

Üçüncü studiya albomu “Fast Life” həm Türkiyədə, həm də xaricdə uğur qazanıb və Balkan Musiqi Mükafatlarında Türkiyənin ən yaxşı mahnısı adına layiq görülüb.

2011-2020-ci illərdə Hadisə “O Ses Türkiye” müsabiqəsində münsif olaraq fəaliyyət göstərib və gənc istedadlara dəstək olub.

2022-ci ildə UNICEF tərəfindən "Uşaq Hüquqlarının Müdafiəçisi" elan olunub və uşaqlara qarşı zorakılıqla mübarizədə fəal rol oynayıb. Eyni il iş adamı Mehmet Dinçerlərlə evlənib, lakin cütlük yalnız 4 ay sonra qarşılıqlı razılıqla boşanıb.