Danışıqlar, yoxsa güc nümayişi? | Avropa Trampın təhdidlərinə qarşı nə edəcək? - Baku TV

Amerika Birləşmiş Ştatlarının Prezidenti Donald Tramp İranla danışıqlar aparmağı planlaşdırdığını bildirib.

D.Tramp dialoqun mahiyyəti və ya vaxtı, həmçinin Vaşinqtondan kimin danışıqlara rəhbərlik edəcəyi barədə ətraflı məlumat verməyib.

“Bəli, mən bunu planlaşdırıram. Hazırda İrana üzən çoxlu sayda çox böyük və çox güclü gəmilərimiz var və onlardan istifadə etməsəydik, əla olardı”, – deyə D.Tramp əlavə edib.

Bu arada Avropa ölkələrinin liderləri Brüsseldə işgüzar şam yeməyi zamanı Donald Trampın təhdidlərinə və təzyiqlərinə qarşı plan hazırlayıblar. Bunu “The New York Times” qəzeti mənbələrə istinadla yazıb.

Nəşr qeyd edir ki, D.Tramp Avropaya iqtisadi zərbə vurmaqla hədələyərək, siyasətçilərini alçaldaraq və onların dəyərlərini sərt tənqid edərək bütün dünyanı şoka saldıqdan sonra Avropa liderləri fəaliyyət planı hazırlayıblar.

Sənəddə ABŞ Prezidentinin gələcək təxribatlarına soyuqqanlı reaksiya vermək, həmçinin cavab olaraq rüsumlar tətbiq etməklə hədələmək nəzərdə tutulur.

Bundan əlavə, Avropanın Vaşinqtondan hərbi və iqtisadi asılılığını azaltmaq planlaşdırılır. Çünki ABŞ etibarsız müttəfiqə çevrilib.

Qəzet Avropa liderlərinin planını nisbətən cəsarətli, lakin hələ də kifayət qədər mücərrəd adlandırıb və vurğulayıb ki, bu, Avropa liderlərinin D.Trampa qarşı indiyədək olmadığı qədər sərt ritorika ilə çıxış etdiklərini, lakin hələ bəyanatlarını real adamlarla möhkəmləndirməyə çalışdıqlarını göstərir.