Dəhşət dolu gecə: İsrail bu ölkəni hədəf aldı! - Görünməmiş qisas zərbəsi - Baku TV

İsrail gecə boyunca Livanı hədəfə alıb.

“Əl-Məyadin” qəzetinin məlumatına görə, İsrail Ordusu gecə ərzində Livanın müxtəlif bölgələrinə 20-dən çox hava zərbəsi endirib. Hücumların hədəfləri arasında Beyrutun Dahiya məhəlləsi və Litani çayı üzərindəki Əl-Qəsəmiyyə körpüsü də var.

Məlumata görə, aprelin 8-dən 9-na keçən gecə hücumlar nəticəsində 254 nəfər həlak olub, 1165 nəfər yaralanıb.

“Hizbullah” isə İsrailin bu ölkəyə endirdiyi zərbələrə cavab olaraq hərəkətə keçib. Hərəkatın atəşkəsə sadiq qaldığı diqqətə çatdırılan bəyanatında Livanı və xalqını müdafiə etmək üçün, həmçinin düşmənin atəşkəs razılaşmasını pozmasına cavab olaraq Əl-Manara qəsəbəsinin raket atəşinə tutduğu bildirilib.

“Bu cavab tədbirləri İsrail-ABŞ təcavüzü ölkəmizə və xalqımıza qarşı dayandırılana qədər davam edəcək”, – deyə bəyanatda qeyd edilib.

İranda da bir neçə şəhərdə partlayışlar baş verib. Aprelin 9-u səhər saatlarında Kərəc, Əhvaz və Şiraz da daxil olmaqla İranın bir neçə şəhərində partlayışlar qeydə alınıb.

Kərəc, Əlborz əyalətində sakinlər səhər tezdən partlayış səsi eşitdiklərini bildiriblər. Partlayışlar Mehrşəhr və Məhəmmədşəhrdə də hiss olunub. Əhvaz, Xuzistan əyalətində isə iki güclü partlayış səsi eşidilib. Şirazda da ardıcıl bir neçə partlayış baş verib.