Erməni hərbçilərin ölümü ilə bağlı detallar ortaya çıxdı

Ermənistanda hərbi hissələrdən birinin iki hərbçisinin ölümünün təfərrüatı məlum olub. Bu barədə Ermənistan Müdafiə Nazirliyi məlumat yayıb.

Məlumatda qeyd olunur ki, avqustun 27-də Ermənistan Müdafiə Nazirliyinin “N” saylı hərbi hissənin döyüş postunda xidmətdə olan hərbi qulluqçu Artyom Aykazyan “AK-74” avtomatı ilə növbə rəisi Armen Xaçatryana atəş açaraq onu öldürüb. Daha sonra həmin silahla çənə nahiyəsindən özünə ölümcül güllə xəsarəti yetirib. Hadisə ilə bağlı araşdırmaların davam etdiyi bildirilir.

Qeyd edək ki, avqust ayı ərzində Ermənistan Ordusunda 6 hərbçi həlak olub.