Ermənistan növbəti dəfə MDB tədbirinə etiraz edib

Ermənistan növbəti dəfə Müstəqil Dövlətlər Birliyinin tədbirini "boykot" edib.

Rəsmi İrəvan bu səfər MDB ölkələrinin İqtisadi Şurasının Moskvada keçirilən 100-cü iclasına yüksəksəviyyəli nümayəndə heyəti göndərməkdən imtina edib.

Ölkə mediasının məlumatına görə, adətən təşkilatın tədbirlərində ölkəni Baş nazirin müavini Mqer Qriqoryan təmsil edir. Bu dəfə isə Rəsmi İrəvan təşkilatın yubiley iclasına Belarusdakı səfiri Razmik Xumaryanı göndərməklə kifayətlənib.

Azərbaycanı isə MDB İqtisadi Şurasının yubiley iclasında Baş nazirin müavini Yaqub Eyyubov təmsil edir. Rusiya tərəfindən hökumət sədrinin müavini Aleksey Overçuk iştirak edir.

Xatırladaq ki, Ermənistan bir müddətdir ki, MDB və Kollektiv Təhlükəsizlik Müqaviləsi Təşkilatının tədbirlərində iştirakdan imtina edir.